ԱՆՉԵԼՈՏԻ.«ԻՍԿՈՆ ԱՅՍՕՐ ՀԻԱՆԱԼԻ ԽԱՂԱՑ` ՎՃՌԵԼՈՎ ԽԱՂԻ ԵԼՔԸ»
«Ռեալը» Լա Լիգայի մեկնարկային խաղում «Սանտիագո Բեռնաբեու» մարզադաշտում ընդունել էր «Բետիսին», ու խաղի ավարտից հետո Կարլո Անչելոտին տվեց իր գնահատականները.«Մենք արեցինք այն, ինչ կարող էինք: Ես խաղացողներին ասել էի, որ առաջին խաղը երբեք հեշտ չի լինում: Մենք լավ մինչմրցաշրջան անցկացրինք ու շատ մեծ սպասումներ ունենք: Մենք լավ չխաղացինք, բայց սարսափելի ոչինչ չկա: Ամենակարևորը հաղթանակ տանելն է, ու կարծում եմ` մենք արժանի էինք հաղթանակի, քանի որ շատ գոլային պահեր ունեցանք: Անկեղծ ասած, «Բետիսը» շատ լավ խաղաց: Նրանք լավ թիմ ունեն»:
Կիսապաշտպանությունում թիմը մի շարք տարբերակներ ունի, որոնք փորձարկում էր խաղի ընթացքում: Մարզիչը այդ մասին ասաց.«Մենք կարող ենք բարելավել, դա բնական է: Կարծում եմ` ցանկացած տարբերակ էլ լավն է: Մենք գոլային շատ պահեր ունեցանք լավ համագործակցության շնորհիվ, հատկապես` եզրում: Ընդհանուր առմամբ, խնդիրը պաշտպանությունում էր: Առաջին կեսում պաշտպանությունում չկա հավասարակշռություն: Մենք միասնական չէինք խաղում ու խնդիրներ ունեինք: Երկրորդ կեսում այս առումով շատ ավելի լավ խաղացինք: Ըստ իզ` այս խաղում մեր գլխավոր խնդիրը պաշտպանությունն էր»:
Մարզիչը ցանկանում է բալանս ստեղծել հարձակման ու ուժեղ պաշտպանության միջև: Երբ հարց տրվեց այս մասին ու Օզիլի և Իսկոյի պես խաղացողների մասին, Անչելոտին ասաց.«Այո, ես վստահ եմ, որ նման բալանս կլինի, քանի որ, եթե ուզում ես որակյալ ֆուտբոլ խաղալ, պետք է նաև ունենաս խաղացողներ, ովքեր լավ են պաշտպանվում: Այս երկուսը շատ առատաձեռն խաղացողներ են, հատկապես` Իսկոն, ով այս խաղում արեց ամեն ինչ: Նա ֆանտաստիկ գոլ խփեց: Կարծում եմ` այս փուլում նման խնդիրներ ունենալը նորմալ երևույթ է: Կարծում եմ նաև, որ այս իրավիճակից դուրս բերող բանալին հենց այդ հավասարակշռությունն է, որ պետք է գտնել»:
Անչելոտին մատնացույց արեց նաև հստակ խնդիրները.«Խնդիրը բալանսի մեջ էր: Մենք լավ չէինք պաշտպանվում կիսապաշտպանություն-պաշտպանություն հատվածում, գոտիների միջև շատ տարածություններ կային: «Բետիսը» լավ էր խաղում, իսկ այսօր մեր թիմում դաշտ դուրս եկած խաղացողներից 9-ը խաղացել էին ազգային հավաքականներում, ինչի արդյունքում մենք շատ ժամանակ չունեինք խաղին լավ պատրաստվելու համար: Շատերը երկար ճանապարհ էին կտրել, ու ես տեսնում էի, որ «Բետիսը» շատ ավելի լավ մարզավիճակում է»:
Թիմը խաղացողների մի շարք հնարավոր համակցություններ կարող է դաշտ դուրս բերել, ինչի մասին Անչելոտին ասաց.«Կարծում եմ` կլինեն ռոտացիաներ: Ես լավ կազմ ունեմ: Մորատան, Դի Մարիան ու Կազեմիրոն դժվար պահին ուժեղացրին թիմի խաղը: Չեմ կարծում, որ կա հստակ մեկնարկային կազմ, քանի որ մենք շատ որակյալ խաղացողներ ունենք»:
Եվ վերջում, խոսելով դարպասապահի ընտրության մասին, Անչելոտին ասաց.«Ես այդ որոշումը կայացրել եմ խաղից առաջ: Ինչպես ասել էի երեկ, այս որոշումը կայացվել է մանր դետալների արդյունքում, բայց դա իմ որոշումն էր: Դիեգո Լոպեսը խաղաց այսօր, բայց հաջորդ խաղի համար դեռևս ոչինչ պարզ չէ: Ես խոսեցի Իկերի հետ, ով շատ պրոֆեսիոնալ մոտեցում է ցուցաբերում: Նա ցանկանում է խաղալ, ինչը լավ է: Այսօր Դիեգոն էր խաղում»:
Աղբյուր՝ realmadrid.am
- 19.08.2013 14:05 3 ՊԱՏՃԱՌ, ԹԵ ԻՆՉՈՒ ԲԵՅԼԸ ԿՏԵՂԱՓՈԽՎԻ «ՌԵԱԼ» 0
- 01.08.2013 15:03 AS. «ՌԵԱԼՆ» ՈՒ «ՏՈՏԵՆՀԵՄԸ» ՀԱՄԱՁԱՅՆՈՒԹՅԱՆ ԵՆ ԵԿԵԼ ԲԵՅԼԻ ՀԱՐՑՈՒՄ 0
- 26.08.2013 14:10 Daily Mail. ԲԵՅԼԻ ՏՐԱՆՍՖԵՐԻ ՄԱՍԻՆ ԿՀԱՅՏԱՐԱՐԵՆ ԵՐԵՔՇԱԲԹԻ 0