ՕԶԻԼԸ ՄՏԱԾՈՒՄ Է «ՄԱՆՉԵՍԹԵՐ ՅՈՒՆԱՅԹԵԴ» ՏԵՂԱՓՈԽՎԵԼՈՒ ՄԱՍԻՆ
Մադրիդի «Ռեալի» գերմանացի կիսապաշտպան Մեսութ Օզիլը թիմի հետ մեկնել է Գրանադա` մտքում ունենալով «Մանչեսթեր Յունայթեդ» տեղափոխվելու հավանականությունը: Ինչպես հայտնում է AS-ը, խաղացողը ցանկանում է ավելի բարձր աշխատավարձ ստանալ` 7 մլն եվրո, ինչը 2 մլն եվրոյով ավելի է այն գումարից, որ նա վաստակում է հիմա:
Այդ նպատակով նրա հայրը` Մուսթաֆան, ով միաժամանակ նրա գործակալն է, հանդիպում է ունեցել «Ռեալի» ղեկավարության հետ, սակայն չի կարողացել համոզել, որ նոր պայմանագիր առաջարկվի իր որդուն:
Սա իմանալուց հետո «Մանչեսթեր Յունայթեդը» սկսել է լրջորեն հետաքրքրվել խաղացողով ու նույնիսկ կապ է հաստատել նրա շրջապատի մարդկանցից ոմանց հետ, ովքեր ասել են, որ խաղացողի պահանջը մեկն է` 7 մլն եվրո տարեկան աշխատավարձ:
Սա այնքան էլ հաճելի լուր չի եղել «կարմիր սատանաների» համար, քանի որ ներկայումս նրանց ամենաբարձր վարձատրվող խաղացողը` Վան Պերսին, վաստակում է տարեկան 6,5 մլն եվրո: Եթե Օզիլը դառնա ամենաբարձր վարձատրվողը, դա լուրջ տարաձայնություններ կառաջացնի թիմում:
«Ռեալը», միևնույն ժամանակ, պատրաստ է սկսել բանակցությունները, սակայն միայն մեկ պայմանով: Նախնական առաջարկը պետք է լինի 45 մլն եվրո, որը միայն կստիպի ակումբի ղեկավարությանը մտածել տրանսֆերի մասին:
Աղբյուր՝ realmadrid.am
- 19.08.2013 14:05 3 ՊԱՏՃԱՌ, ԹԵ ԻՆՉՈՒ ԲԵՅԼԸ ԿՏԵՂԱՓՈԽՎԻ «ՌԵԱԼ» 0
- 01.08.2013 15:03 AS. «ՌԵԱԼՆ» ՈՒ «ՏՈՏԵՆՀԵՄԸ» ՀԱՄԱՁԱՅՆՈՒԹՅԱՆ ԵՆ ԵԿԵԼ ԲԵՅԼԻ ՀԱՐՑՈՒՄ 0
- 26.08.2013 14:10 Daily Mail. ԲԵՅԼԻ ՏՐԱՆՍՖԵՐԻ ՄԱՍԻՆ ԿՀԱՅՏԱՐԱՐԵՆ ԵՐԵՔՇԱԲԹԻ 0