ԶԻԴԱՆԸ ՊԱՏՐԱՍՏ Է ԱՆՁՆԱԿԱՆ ՀՍԿՈՂՈՒԹՅԱՆ ՏԱԿ ՎԵՐՑՆԵԼ ԲԵՅԼԻՆ

Մադրիդի «Ռեալի» գլխավոր մարզչի օգնական Զինեդին Զիդանը պատրաստ է իր անձնական հսկողության տակ վերցնել Գարեթ Բեյլին, ով մոտ է «Տոտենհեմից» Մադրիդ տեղափոխվելուն:

Ըստ ֆրանսացի լեգենդար խաղացողի` Բեյլի համար հեշտ չի լինի այն, որ նա գիտակցելու է, որ աշխարհի ամենաթանկ ֆուտբոլիստն է: 

«Ես շատ լավ գիտեմ, թե ինչ է նշանակում լինել աշխարհի ամենաթանկ ֆուտբոլիստը,- Զիդանի խոսքերն է մեջբերում Sunday People.- Միշտ պատրաստ կլինեմ նրան խորհուրդ տալ ու անձնական հսկողության տակ վերցնել նրան: Երբ այսպիսի աղմկալի տրանսֆեր է կայանում, միշտ էլ ուշադրությունը մեծանում է: Բայց, որպես ֆուտբոլիստ, դու չպետք է մտածես գումարների մասին: Աշխատասենյակիս դուռը միշտ բաց կլինի Բեյլի համար»:


Աղբյուր՝ realmadrid.am